ســNesmaـتـارك
||نوسـهـ ذهــبي||
 ~][ عدد المشاركات ][~ : 444
~][ تاريخ الميلاد ][~ : 09/09/1988
~][ تاريخ التسجيل ][~ : 14/04/2011
~][ العمر ][~ : 36
 | موضوع: فطاير كباب وبرجر مينى على كيف كيفك  الثلاثاء أبريل 26, 2011 4:41 pm | |
| للعجينه /
4 كاسات طحين
ثلث كاس سكر
ثلث كاس ماء
ثلث كاس حليب بودره
نص كاس ماء
ملعقة كبيرة خميرة _ ملعقة كبيرة بيكنغ باود
لفطائر الكباب / أسياخ كباب لحم أو دجاج جاهزه " استخدمت كباب خير زاد " طعمه حلو وشكله مرتب واللي يحب يقدر يسوي الأسياخ في البيت
للميني برجر / لحم مفروم + بصلة مفرومه + بقدونس مفروم + بهارات مشكله + ملح + فلفل + بابريكا + اوريغانو + ريحان جاف
سمسم للوجه / وخس وخيار وطماطم للتزيين وأساس مع البرجر
الطريقة /
نخلط مقادير العجينه مع بعضها ونعجنها مالايقل عن 10 دقائق حتى تصير ماتلزق في اليد
ونغطيها ونتركها في مكان دافي تتخمر حوالي الساعه
الكباب نحطه في صينيه فرن مدهونه بشوية زيت وندخله الفرن نحمره بس لانطول عليه حتى لاينشف
ونجهز أقراص اللحم الصغيره بخلط المقادير مع بعض وتشكيلها أقراص صغيره
ونصفها في صينية الفرن
[ندعوك للتسجيل في المنتدى أو التعريف بنفسك لمعاينة هذه الصورة]
ونشويها حتى تتحمر واللي يحب يقدر يقليها ويقلي الكباب الحين بعد ماجهزنا الكباب واقراص اللحم نبتدي في العجين
وناخذ كورة من العجين ونفرها بالطول ونحط سيخ الكباب على طرف والطرف الثاني نقصصه مثل الصوره
ونلف العجينه على الكباب
[ندعوك للتسجيل في المنتدى أو التعريف بنفسك لمعاينة هذه الصورة]
بعد مانخلص من لف الأسياخ نصفها في صينية فرن مدهونه وندهن وجه العجين بشوية حليب بودره مذوبه في شوية ماي
ونحاول نخلي السائل مو خفيف مره
[ندعوك للتسجيل في المنتدى أو التعريف بنفسك لمعاينة هذه الصورة]
وندخلها الفرن تتحمر ونراعي مانحمرها وايد عشان لاتيبس بعد
وباقي كمية العجين نعملها كرات ونصفها بالصينية وندهنها بالحليب البودره ونرش عليها شوية سمسم وندخلها الفرن
تتحمر على خفيف وهذي بتكون خبز البرجر بس نطلعها من الفرن نقصها من النص ونحفر شوي داخل القطعه اللي بتكون الغطا
ونحط اقراص اللحم والخس والطماط والخيار او حسب رغبتكم مثل ماتسوون البرجر بالعاده
ونقدمهم بالعافيه
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
| |
|
